ناس امسحها من حياتك

 

عارف مفتاح Delete ؟

له وظيفتين من وظيفة أساسية وهي الحذف

الوظيفة الأولى : حذف عادي delete

الوظيفة الثانية : حذف نهائي permanently delete

عاوزك تطبقهم في حياتك ، بحيث انك تحذ من حياتك حاجات و مواقف و اشخاص مش مهمين ليك ، في حاجات هتحذها حذف مؤقت او عادي بحيث ممكن تحتاج ترجعهم تاني ، و فيه حاجات تانيه هتحذفها نهائي نهائي نهاااائي

انت قادر تحدد بنفسك الاختيار الامثل ليك طبقا للموقف .

انا هساعدك شوية لاختيار الاختيار المناسب للوقف المناسب ....

هتلاقي عندك في المقام الاول مواقف مضايقاك دي احذفها حذف نهائي

هتلاقي تعاملات خنقاك دي تحذفها نهائي

هتلاقي بقا اشخاص مزعلينك او مضايقينك ،،، هنا لازم تحددهم حسب عشرتك ليهم ، حسب قربهم منك ، حسب منزلتهم عندك ، و اخيرا حسب انت زعلان منهم في ايه بالظبط ......

لو زعل دنيوي دي تحذفها حذف عادي لأنك هتحتاجهم تاني ، اللى مش هتحتاجه النهاردا هتحتاجه بكرة خليك ناصح ، متتغاشمش و تقول ولا يهمني ف حاجة ولا يستاهل ولا ولا ولا ولا .........الخ ، الدنيا مش عافيه .

لو زعل يخص شخصك الكريم ( غلط فيك - جرحك ) برضو تعالى على نفسك و متحذفش نهائي ، خليه في سلة المهملات ممكن تحتاجه برضو .

لكن !!! لو الشخص دا ( نافقك ، او خانك ) مينفعش ، ابو اكتر من وش مينفعش ، دا احذفه من حياتك خااااالص ، مينفعش ياغالي والله ، لا لا لا متقنعنيش حتى لو قريب منك ، هو لو قريب عمره ما هيعمل معاك غلطة .

خلاصة كلامي ،، الدنيا فيها الحلو و الوحش ، حاول تستغل الوحش علشان توصل للحلو ، لان لو معرفتش الوحش مش هتعرف الحلو ، تجاربك هي اللى هتعلمك تضيف مين لحياتك و تحذف مين من حياتك ،، بس الاضافة و الحذف لازم يكونوا مناسبين للموقف و الشخص المناسب .

يعني تكون اخدت قرارك نتيجه معاملات و تجارب ، مش نتيجه سماع او معلومات من جهات خارجية .