ان تعيش وحيدا خيرا من الحياة وسط عالم يحبطك

 

مش معنى انك تاخد قرار تكون وحيد انك منطوي او مخنوق ، قرار انك تنعزل لفترة مؤقته دا ممكن ينقل حياتك لمكان تاني او ممكن يحول طاقتك لمستوى مختلف ،

اوقات كتير بتكون محتاج تكون لوحدك علشان تريح اعصابك

اوقات تانيه بتكون محتاج وقت مع نفسك علشان تعيد حساباتك

اوقات تانيه بتكون عاوز تصحح مسار اخدته لمسار تاني

و اوقات تانيه بتكون محتاج تكون وحيد علشان ترضي نفسك و دا الاهم في كلامنا دلوقتى ، لاننا في اغلب الاوقات بننسى نفسنا في سبيل اننا نرضي غيرنا ، نعاكس نفسنا في سبيل مجاراة غيرنا ، و و و الخ

حاول تتعود تقول لأ ، لانك النهاردة لما ترضي غيرك طواعية و برضا نفس ، بكره هيكون الزام عليك ، مش معنى كلامي انك ترفض كل حاجه او تتحول من اجتماعي للوحدة لأ ، انت كدا فهمت كلامي غلط ، ارجع تاني لأول سطرين هتعرف امتى تقول لأ ، امتى تاخد نفسك بعيد عن الناس ، احنا بقينا عايشين في غابة الافكار و التدخلات ، بتلاقي كل لحظة ناس عايشه جوا حياتك و تلاقيهم عارفين حاجات انت بنفسك مش عارفها و تتفاجئ بيها ، يبقى هنا جه الوقت المناسب انك تقف مكانك و تعيد حساباتك ، انت سيد حياتك ، سيد قرارك ، سيد نفسك ، الحياة ابسط ما تكون انك تعقد نفسك علشانها ، عيشها ببساطة و هدوء ، ابعد عن كل اللى يزعجك ، قول لأ وقت ما تكون لأ هي الافضل متخافش من زعل الناس ، لأن الناس مش بتزعل معاك ولا هتزعل عليك